Temirjolshylardyń jalaqysy jańa júıemen esepteletin boldy - QTJ

ASTANA. QazAqparat - «Qazaqstan Temirjol» UK» AQ-nyń burynǵy eńbekaqy tóleý júıesi burynnan qalyptasqan ýchaskelik koeffıtsıentterge negizdelse, olar tipti bir oblys sheginde de ártúrli bolatyn (bir oblysta 4 koeffıtsıentke deıin). Osyǵan baılanysty bir óńirdegi birqatar bólimsheler qyzmetkerleri birdeı jumys atqarsa da, ártúrli jalaqy alyp keldi, dep habarlaıdy QazAqparat.

Kompanııa 2021 jyly jańa júıeni ázirleýdi bastady.

«Aǵymdaǵy jyldyń 15 qazanynan bastap temirjolshylarǵa bir óńir sheńberinde jalaqy biryńǵaı oblystyq koeffıtsıentti qoldana otyryp esepteletin bolady.

Ózgerister tómengi ýchaskelik koeffıtsıentter boıynsha jalaqy alyp kelgen 68 myńnan astam temirjolshyǵa qatysty», - dep jazdy «Qazaqstan Temirjoly» UK» AQ baspasóz qyzmetinen.

Temirjolshylar tolyq aqparatty jumys oryndaryndaǵy eńbekaqy tóleý máseleleri boıynsha mamandardan jáne kompanııanyń resmı saıtynan ala alady.