Temirjolshylar jolda qalǵan júrgizýshiler men jolaýshylarǵa kómektesti
NUR-SULTAN. QazAqparat - Temirjolshylar Aqtóbe oblysynda sý basyp qalǵan tas joldaǵy júrgizýshiler men jolaýshylarǵa qol ushyn sozdy, dep habarlaıdy QazAqparat tilshisi «Qazaqstan temir joly» UK» AQ baspasóz qyzmetine silteme jasap.
«Qardyń kúrt erýinen Aqtóbe-Atyraý respýblıkalyq tas jolyn sý basyp qaldy. Sol sebepten Aqtóbe-Alǵa-Qandyaǵash aýmaǵy boıynsha avtokólikterdiń júrýine shekteý qoıylǵan bolatyn. «Jolaýshylar tasymaly» AQ mamandary tas jolda qalǵan 100-ge jýyq azamatty poıyzben alyp shyqty», - delingen habarlamada.
Aıta keteıik, bul jumys Aqtóbe jol jáne magıstraldyq jeli bólimsheleri, jergilikti ákimdiktermen birlese atqarylǵan.
