Temirjolshylar sý tasý qaýpi bar aýmaqtarda táýlik boıy kezekshilik etýde

ASTANA. QazAqparat - «QTJ» UK» AQ Magıstraldyq jeli qyzmeti jol sharýashylyǵynyń barlyq bólimsheleri qar tazalaý jáne arshý tehnıkalary kóktemgi sel tasqyny júrýi múmkin tustarǵa shoǵyrlandyryldy, dep habarlaıdy «Qazaqstan temir joly» UK» AQ baspasóz qyzmeti.    

Elimizdegi barlyq sý basý qaýpi bar temirjol nysandarynyń boıynda jaýapty adamdardyń táýlik boıǵy kezekshiligi qamtamasyz etildi. Barlyq temirjol bólimshelerinde magıstraldyq jeli men jasandy ımarattardyń qalypty jumys jasaýyna qajetti alǵy sharttar jasaldy. Kóktemgi qyzyl sý ótetin tustardaǵy qaýipti oryndar, sý shaıyp ketýi múmkin topyraq qabaty, temirjoldyń shyǵa beristeri, buryn búlingen mekenderde barynsha qyraǵy kúzet ornatyldy.

«QTJ» UK» AQ jergilikti aýmaqtyq organdarmen birlesip sý qoımalaryn, aýyl sharýashylyǵy tospalarynyń jaǵdaıyn komıssııalyq tekserýden ótkizýde.

Qazirgi kezde Shyǵys Qazaqstan oblysynyń temirjolshylary qyzyl sý ótetin tustardy apatty jaǵdaılardan saqtaý úshin barlyq tıisti sharalardy qabyldaýda. 175 shaqyrymdaǵy Turǵysyn-Zyrıan qýma joly men Tıshınskaıa- Rıddar baǵdaryndaǵy 325 shaqyrymdaǵy Gromotýha ózeniniń arnasy arshylýda.

Sonymen qatar temirjol boıynan qasat qar arshylýda. Qar tazalaý maýsymy bastalǵaly beri magıstraldyq jol boıynan 250 myń tekshe metr qar syrtqa shyǵaryldy.

Temirjol boıyn qar jaldarynan arshý maqsatynda qar arshý jáne tazalaý tehnıkalary jumyldyrylǵan.

«Kompanııanyń barlyq óńirlik bólimshelerinde temirjol kópirlerin qysqy qaldyqtardan, muzdan tazalaý, sý júıeleri men aryqtar, sý kózderi túgeldeı arshylýda. Temirjol boıyndaǵy nysandardy, baǵyttaýysh burmalardy, temirjol tabandaryn tazalaý sý tasqyny qaýpin barynsha azaıtýǵa baǵyttalǵan»,-deıdi «QTJ» UK» AQ fılıaly-Magıstraldyq jeli dırektsııasynyń atqarýshy dırektory Baýyrjan Ýálı.