Temirjolshylar Nursultan Nazarbaevtyń kandıdatýrasyn tolyǵymen qoldaıdy
ASTANA. 16 aqpan. QazAqparat /Arman Asqarov/ - Búgin Astanada «Qazaqstan Respýblıkasy temirjolshylarynyń kásipodaǵy» qoǵamdyq birlestiginiń kezekten tys VII sezi bolyp ótti.
Oǵan elimizdiń túkpir-túkpirinen jınalǵan 100-ge taıaý delegat Prezıdenttikke úmitker Nursultan Nazarbaevtyń kandıdatýrasyn tolyǵymen qoldaıtyndyqtaryn bildirdi.
Sezge qatysýshylar el ekonomıkasynyń jyldan jylǵa ósip kele jatqandyǵyn erekshe atap ótip: «20 jyldan beri elimizdiń magıstral jelisi Prezıdent pen Úkimet júrgizip jatqan ekonomıkalyq reformalardy sátti atqaryp keledi. Osynyń arqasynda otandyq temir jol salasy respýblıkadaǵy ındýstrııalyq-ınnovatsııalyq damýdyń lokomotıvine aınaldy. Osy salada irgeli jobalar qolǵa alynyp, myńdaǵan jumys oryndary ashyldy. Temir jol salasynyń 150 myńǵa jýyq eńbekkerleri óz jaýapkershiligin shynaıy sezine otyryp, aldaǵy saılaýda Prezıdenttikke úmitker Nursultan Nazarbaevtyń kandıdatýrasyn tolyǵymen qoldaıdy», - dep málim etti.
