Temirjolshylar qaýipti jaǵdaılarda áreket etýdi úırenýde
«Qazirgi tańda stansalardyń dárejesine baılanysty kezeń kezeńimen ótkizilýde. Ásirese, stansa kezekshilerine kóp mindet júktelmek. Máselen, poıyzdardy kútip alyp, shyǵaryp salý, óndiristik manevrlik jumystar, baǵyttaýysh burmalardy aqaýly kezinde, belgi berý jáne baılanys jelileriniń isten shyǵýy, vagondardyń oqystan eńiske qaraı júrip ketýi, lokomotıvtiń tejegishi isten shyǵýy sekildi qıyndyqty jaılardan shyǵýdyń ádis tásilderin oqýda. Apatty jaǵdaılar men oqys oqıǵalar kezinde atqarylatyn sharalar lokomotıv brıgadalarymen júrgizilgen tehnıkalyq oqýlar kezinde de túsindiriledi», delingen habarlamada.
«QTJ Júk tasymaly» AQ-nyń Qozǵalys qaýipsizdigi departamentiniń dırektory Berik Istileýovtiń aıtýynsha, eńbekkerlerge poıyzdardyń qaýipsiz qozǵalysy týraly jıi aıtyp otyrǵan jón. Qıyndyq týǵan kezderde jedel shara qoldanyp, poıyz qozǵalysyna tóngen qaýiptiń aldyn alý árbir temirjolshynyń mindeti bolyp sanalady.
Aıta keterligi, bıylǵy kóktemde Zaşıta lokomotıv paıdalaný deposynyń teplovoz mashınısi Sergeı Parshennıkov pen mashınıst kómekshisi Sergeı Grıdýnov avtokólikpen soqtyǵysýdyń aldyn aldy.
Lokomotıv brıgadasy «Lenınogorsk - Astana» jolaýshylar poıyzyn júrgizip kele jatqanda, Tıshınskaıa stansasyna jaqyndap qalǵanda, temir jol aralyǵymen kele jatqan avtokólikti baıqap qaldy. Mashınıstiń qyraǵylyǵynyń nátıjesinde jeńil avtokólik temir jol aralyǵynan shyǵaryldy. Poıyz saparyn jalǵastyrdy.
«Mańǵyshlaq-Almaty» baǵdaryndaǵy jolaýshylar poıyzynyń lokomotıv brıgadasynyń saýatty is qımylynyń arqasynda avtokólikpen soqtyǵysý qateriniń aldy alyndy. Mańǵystaý lokomotıv paıdalaný deposynyń mashınısi Arap Aǵataev óziniń laýazymdyq mindetin qıyndyqty kezde adal atqara bildi.
