Temirjolshylar qandaı jaǵdaıda zeınetke erte shyǵa alady
Bırıfng barysynda Baýyrjan Álteev «Qazaqstan temir joly» Ulttyq kompanııasyna qarasty Shymkent magıstraldyq jeli bólimshesindegi eńbek daýy qalaı sheshilgenin baıandap, ondaǵy jasy 60-qa jetken qyzmetkerlerdiń belgili bir sanattaryn zeınetke erte jiberý múmkindigi týraly málimet berdi.
«Laýazymdardyń jekelegen sanattary úshin zeınetkerlik jasty tómendetý týraly másele kóterilip jatyr. Osy máseleler boıynsha jalpy jumys júrgizilýde, salalyq zeınetaqyny kezeń-kezeńimen engizý josparlanýda. Ujymdyq shartqa ózgerister men tolyqtyrýlar engizý jónindegi komıssııa jol monterleri, jasandy qurylystardy jóndeýshiler, jol brıgadırleri, baılanys jelisiniń 60 jasqa tolǵan elektr monterleri úshin zańda belgilengen zeınetkerlik jasqa jetkenge deıin aıyna 30 AEK mólsherinde salalyq járdemaqy taǵaıyndaý týraly máseleni qaraıtyn bolady», - dedi kásipodaq basshysy.
Atalǵan tásilmen 871 adamdy merziminen buryn zeınetke jiberý úshin úsh jyl ishinde 567 mln teńge kerek.
«Kompanııada 2020 jyldan bastap erte zeınetke shyǵý baǵdarlamasy jumys istep keledi. Zeınet jasyna 5 nemese odan da az jyl (erekshe jaǵdaılarda 6 jáne odan da az jyl) qalǵan qyzmetkerler erte zeınetke shyǵýǵa úmitker bola alady. Kompanııanyń qarjylyq múmkindikterin eskere otyryp, jasandy qurylystardy jóndeýshilerge, jol brıgadırlerine, baılanys jelisiniń 60 jasqa tolǵan elektromonterlerine 63-ke tolǵansha 30 AEK mólsherinde salalyq járdemaqy taǵaıyndaý týraly másele qaralyp jatyr. Sondaı-aq, baǵdarlamada qyzmetker joǵaryda kórsetilgen sharttarǵa sáıkes kelgen jaǵdaıda rotatsııalaý arqyly erte zeınetke shyǵý múmkindigi kózdelgen», - dedi Baýyrjan Álteev.