Temirjolshy jumysqa keshikken qyzmetkerdi zilbalǵamen uryp óltirdi
ASTANA. QazAqparat - Reseıdiń Samara oblysynda qatygezdikpen adam óltirgeninde kúdikti tanylǵan temirjolshyǵa qatysty qylmystyq is qozǵaldy.
Er adam jumysqa keshikken qyzmettesimen janjal kezinde ony zilbalǵamen uryp óltirdi, dep habarlaıdy newsru.com.
Endi Kýıbyshev temir jolynyń 40 jastaǵy jumysshysynyń qylmystyq jazaǵa tartylýy kútilýde.
Tergeýshilerdiń nusqasy boıynsha, 2 qarasha kúni keleńsiz jaǵdaı tańerteń Kýıbyshev temir jolynyń Kınel stansasynda bolǵan. Kúdikti azamat óziniń qyzmettesi, 43 jastaǵy ot jaǵýshyny jumysqa keshikkeni úshin urysqan.
Janjal kezinde temirjolshy zilbalǵamen ony birneshe ret urǵan. Jábirlenýshi Kınel aýdandyq aýrýhanasyna jetkizilgenimen, kóp uzamaı alǵan jaraqattarynan kóz jumdy.
Osyǵan baılanysty RF QK-niń 4 babynyń 111 tarmaǵy («Jábirlenýshiniń ólimine ákelip soqtyrǵan densaýlyǵyna qasaqana aýyr zııan keltirý») boıynsha qylmystyq is qozǵaldy.
