Temirjolmen jolaýshylar tasymaldaý salasynda bıletterdi tólem termınaldary arqyly satý jobasy júzege asyrylýda
ASTANA. 19 sáýir. QazAqparat - «Jolaýshylar tasymaly» aktsıonerlik qoǵamy halyqqa qyzmet kórsetý sapasyn arttyrýǵa baǵyttalǵan jolaýshylar tasymaly salasyna ınnovatsııalyq jobalardy engizý maqsatynda temir jol bıletterin tólem termınaldary arqyly satý jobasyn júzege asyrýǵa kiristi. Bul týraly «Jolaýshylar» tasymaly» aktsıonerlik qoǵamynyń baspasóz qyzmetinen habarlady.
Atalǵan qyzmet túri halyqqa, tólem termınaldary arqyly temir jol kólikteriniń qyzmeti týraly tolyq aqparat alýǵa, sonymen qatar jolaýshyǵa poezdyń qajetti baǵytyn tańdap, naqty aqshaǵa bılet satyp alýǵa múmkindik beredi.
Joba memlekettik memlekettik-jekemenshik seriktestiktik negizinde júzege asyrylýda. Onyń sheńberinde, ınvestor Qazaqstan Respýblıkasynyń aýmaǵy boıynsha (barlyq aımaqtary, qoǵamdyq oryndarda) termınaldar júıesin ornatý jaýapkershiligin óz moınyna alady. Demek, 3000-nan astam óz - ózine qyzmet kórsetetin avtomatty ornatyp, tólem termınaldaryn engizý boıynsha tehnıkalyq - baǵdarlama jumysyn júrgizýge jaýapty. Termınaldar arqyly bılet satý 2011 jyldyń 3 - toqsanynda júzege asady dep josparlanyp otyr.
Bul joba jaılylyq deńgeıin arttyrýǵa jáne jolaýshylar tasymaly qyzmetiniń qoldanysyn keńeıtýge múmkindik beredi, deıdi kompanııanyń mamandary.
