Temirjoldaǵy qaýipsizdik sharalary júrdim-bardym atqarylady - Bas kólik prokýratýrasy
ASTANA. 30 naýryz. QazAqparat - Bas kólik prokýratýrasy 2010 jyly temirjol kóliginiń júrý qaýipsizdigi saqtalýyna baǵyttalǵan zańnamalarynyń qoldanylýyna birqatar tekserýler júrgizdi,
dep habarlady Bas kólik prokýratýrasynyń baspasóz qyzmeti.
Tekserý qorytyndysymen jasalǵan taldaý barysynda memlekettik organdarmen kólik keshenderine tónetin qaýip-qaterler men qarsy áreketterdiń aldyn-alý sharalaryna baǵyttalǵan jumystary óz deńgeıinde júrgizilmeıtini anyqtaldy.
Tek aǵymdaǵy jyldyń ózinde júrgizilgen tekserý qorytyndysymen 286 usynys pen 101 uıǵarym engizildi, 664 laýazymdy tulǵa ár-túrli jaýapkershilikke tartylyp, 7 qylmystyq is qozǵaldy.
Prokýrorlyq yqpal etý aktileriniń negizinde 52 lokomotıv, 105 birlik arnaıy jyljymaly quram, 1000 astam jolaýshylar jáne júk vagondary toqtatylǵan.
Magıstraldyq jáne bekettik temirjoldardyń 4 ýchaskesinde júrý jyldamdyǵy shektelgen, 14 bekettik, 6 traktsıondyq, 4 kirme joldardyń paıdalanýy toqtatylǵan.
Temirjol salasynyń basym kópshiliginde jyl saıyn kezdesetin kemshilikterge - tozǵan jyljymaly quramdardyń paıdalanylýy, olardyń ýaqtyly jáne sapaly jóndeý ótkizbeýi, tıisti tehnıkalyq baıqaýdan ótpeýi, kólik quraldarynyń mindetti túrde kólik baqylaý mekemelerinde tirkelýiniń qamtamasyz etilmeýi, jol sapasynyń syn kótermeýi jáne basqa sebepter bar.
Joǵarydaǵy kórsetilgen kemshilikterge qaramastan, bul baǵyttaǵy jumystardyń alǵa ilgerileýi baıqalmaıdy. Buǵan qosa, kóliktegi qaýipsizdikti qamtamasyz etý júıesi múldem jolǵa qoıylmaǵan.
QR Kólik jáne kommýnıkatsııa mınıstrligi men onyń komıtetteriniń atqarylǵan jumystary tek kóliktegi qaýipsizdikti qamtamasyz etý sharalarynyń kemshilikterin anyqtaýmen shektelip, al kóliktegi qaýipsizdikke tónetin qaýip-qaterlerdiń aldyn-alý, joıý jáne boldyrmaýǵa baǵyttalǵan jumystary óz deńgeıinde júrgizilmeıdi.
«Qazaqstan temir joly» Ulttyq kompanııasy» AQ-nyń magıstraldyq temirjol júıesiniń operatory - (ári qaraı Ulttyq kompanııa) memlekettik tirkeýden ótkizilmegen 688 vagon-tsısternalar men 299 júk vagondaryn júk tasymaly úderisinde paıdalandy.
Sonymen qatar, tekserý kezinde josparly jóndeý jumystary júrgizilmegen jáne qyzmet etý merzimi ótken jyljymaly quramdardy paıdalaný faktileri oryn alǵany anyqtaldy.
Bas kólik prokýratýrasynyń narazylyǵymen Ulttyq kompanııanyń «Kaztemirtrans» AQ-nyń júk vagondarynyń josparly jóndeýdi keıinge qaldyrý týraly nusqaýynyń kúshi joıyldy.
Prokýratýranyń uıǵarymy boıynsha kólik baqylaý komıtetimen 591 júk vagondy toqtatýǵa sharalar qabyldandy.
