Temirjol salasy burynǵysynsha monopolııalanǵan túrinde qalyp otyr

Bul týraly búgin Astanada ótken alqa májilisinde Básekelestikti qorǵaý jónindegi agenttiktiń tóraǵasy Májıt Esenbaev málim etti, dep habarlaıdy QazAqparat.

«Nátıjesinde, mundaı monopolııalandyrý jyl saıyn qosalqy (qyzmet kórsetetin) saladaǵy básekelestikti shekteıdi. Naryqtyń osy segmentindegi básekelestikti damytýdy, ázirlenip jatqan jańa Temirjol kóligi salasyn 2020 jylǵa deıin damytý baǵdarlamasynyń aıasynda sheshý usynylady», dedi Agenttik basshysy.

Budan basqa, osy saladaǵy ulttyq operatordy memlekettik qoldaý qajet, bul ásirese, taýar shekaralaryn keńeıtýdi jáne Kedendik Odaq aıasynda básekelestikti kúsheıtýdi esepke alǵanda mańyzdy sanalady.

M. Esenbaev osyndaı sharalardy iske asyrmasa, orta merzimdi kezeńde reseılik kompanııalardyń qazaqstandyq tasymaldaýshylardy qosyp alý táýekelin týdyratynyn aıtyp ótti.