Temirjol ótpelerindegi qozǵalys qaýipsizdigin qamtamasyz etý máselesi talqylandy
ASTANA. Tamyzdyń 3-i. QazAqparat. Búgin QR Kólik jáne kommýnıkatsııa mınıstrliginiń Kóliktik baqylaý komıteti QR ІІM Jol polıtsııasy komıtetiniń, «Qazaqstan temir joly» UK» AQ ókilderiniń qatysýymen temirjol ótpelerindegi qozǵalys qaýipsizdigi máselesi boıynsha keńes ótkizdi,
dep habarlady mınıstrliktiń baspasóz qyzmeti.
Jınalysta Kóliktik baqylaý komıteti temirjol kóligindegi baqylaý basqarmasynyń bastyǵy Berik Іstleev baıandama jasady. Onda aǵymdaǵy jyly temirjol ótpelerindegi jol-kólik oqıǵalarynyń kóbeıe túskendigi atap ótildi.
Osylaısha 2010 jylǵy 8 aı boıynsha temirjol ótpelerinde 26 jol-kólik oqıǵasyna jol berilgen (2009 jyly - 20 JKO), sonyń saldarynan 26 adam jaraqat aldy (2009 jyly 12 adam) jáne 4 adam qaıtys boldy.
Keńeste Pavlodar oblysyndaǵy kúzetilmeıtin ótpede bıylǵy shildeniń 20-da bolǵan jol-kólik oqıǵasynyń sebepteri qaraldy. Onda avtomashına júrgizýshisi qaza bolyp, 29 júk vagony relsten shyǵyp ketken bolatyn.
Temirjol ótpelerinde bolǵan barlyq JKO avtokólik quraldary júrgizýshileriniń kinásinen bolǵandyǵy anyqtaldy.
Kóliktik baqylaý komıteti avtokólik ıelerimen jumysty kúsheıtýmen qatar, temirjol kólikteri uıymdary semafordyń tyıym salý belgisinen avtokóliktiń zańsyz ótýi boıynsha qosymsha sharalardy qabyldaý qajet dep esepteıdi.
Barlyq temirjol ótpeleriniń kireberisine jasandy kedir-budyr jol jasaý nemese ótpelerdi arnaıy qorshaý quraldarymen jabdyqtaý máselesi qaraldy.
Aǵymdaǵy jyly kóliktik baqylaý organdary 366 temirjol ótpesin tekserdi, onyń barysynda olardy kútip-ustaýda 749 buzýshylyq anyqtaldy, Qazaqstan Respýblıkasynyń Ákimshilik quqyqbuzýshylyq kodeksine sáıkes 364 553 teńgege aıyppul salyndy.
Keńes qorytyndysy boıynsha temirjol ótpelerindegi qaýipsizdik deńgeıin kóterýge baǵyttalǵan is-sharalar bekitildi.
