Temirjol kóliginde jolaýshylar tasymaly boıynsha kelisimsharttardyń merzimin uzartý qorytyndylary shyǵaryldy
ASTANA. Jeltoqsannyń 8-i. QazAqparat. Kólik jáne kommýnıkatsııa mınıstrliginde 2010 jylǵa áleýmettik mańyzy bar aýdanaralyq jolaýshylar tasymalyn júzege asyrýmen baılanysty tasymaldaýshylardyń shyǵyndaryn qarjylandyrý týraly kelisimsharttardyń merzimin uzartý qorytyndylary shyǵaryldy.
Kólik vedomstvolarynyń ókilderi men «Qazaqstan temirjoly» Ulttyq kompanııasy» AQ-nyń enshiles aktsıonerlik qoǵamnyń sarapshylary tartylǵan jumys komıssııasyn QR Kólik jáne kommýnıkatsııa mınıstrliginiń vıtse-mınıstri Azat Bekturov basqardy, dep habarlaıdy KKM baspasóz qyzmeti.
Kelisimsharttardyń merzimin qaıta uzartýǵa qazirgi ýaqyttaǵy árekettegi 7 tasymaldaýshy aryzdaryn usynyp otyr, olardyń qatarynda «Passajırskıe perevozkı» AQ, «Prıgorodnye perevozkı» AQ, «Maral-Nýr» JShS, «PK Týran Ekspress» JShS, «Sýnkar - 1» JShS, «Arlan Trans Astana» jáne «Kýnan trans» JShS bar.
