Temirjol bıletterine endi ınternet arqyly tapsyrys berýge bolady
ALMATY. Shildeniń 20-sy. QazAqparat - «Jolaýshylar tasymaly» AQ temirjol bıletterin jetkizýde jańa qyzmet engizdi, dep habarlaıdy kompanııa.
«Jolaýshylar tasymaly» AQ 2010 jylǵy shildeniń 20-synan bastap tutynýshylarǵa ınternet arqyly rásimdelgen bıletterdi jetkizý aqyly qyzmetin engizdi. Bundaı joba alǵash ret qoldanylyp otyrǵandyqtan, áli de jetile túsedi», - delingen seısenbi kúni taratylǵan baspasóz baıanynda.
Aqparatqa sáıkes, jol júrý qujattaryn jetkizý bastapqy kezde Astana men Almaty qalalarynda júzege asyrylady, keıin bul qyzmetke respýblıkanyń basqa qalalarynda da qol jetkizýge bolady.
Temirjol bıleti kýrer arqyly qala sheńberindegi úı, keńse jáne qonaq úıge jetkiziledi. Ázirshe bul qyzmetke jumys kúnderinde ǵana júginýge bolady.
Internet arqyly bılet rásimdeý táýlik boıy, al ony jetkizý dúısenbi men juma aralyǵynda saǵat 11.00-den 19.00-ge deıin júzege asyrylady.
Bılet jetkizýge tapsyrys poıyz qozǵalýyna bir táýlikten kem emes ýaqyt qalǵanda saǵat 9.00-den 21.00-ge deıingi ýaqytta qabyldanady. Poıyz júrýinen keminde 6 saǵat buryn bılet jetkizilýi tıis, delingen habarlamada.
Astana men Almaty qalalarynda temirjol bıletin jetkizý quny 600 teńgeni quraıdy.
