Temirjol bıletterin avtomatty qurylǵydan satyp alýǵa bolady

Búgin Almatyda «Qazaqstan Halyq Banki» AQ men «Jolaýshylar tasymaly» AQ temirjol bıletterin satý boıynsha avtomatty qurylǵylardy - ózdiginen qyzmet kórsetetin tranzaktsııalyq termınaldardy iske qosý jónindegi birlesken jobany iske asyrǵandaryn habarlady.

Ózdiginen qyzmet kórsetýshi tranzaktsııalyq termınal (ÓQTT) - on-line rejıminde bılet satýǵa arnalǵan qurylǵy, ony barlyq adam tikeleı ózine-ózi qyzmet kórsetý rejıminde paıdalana alady. Bul qurylǵyny (ÓQTT) alystaǵy jáne qala mańyndaǵy baǵyttarǵa qatynaıtyn poıyzdarǵa jol júrý qujattaryn (bıletter) satýǵa arnalǵan aqparattyq-tranzaktsııalyq júıeniń qurama bóligi retinde qarastyrýǵa bolady. Atalǵan júıe temirjol kóliginiń qyzmetin paıdalanýshylarǵa kórsetiletin qyzmet sapasyn aıtarlyqtaı arttyrýǵa septigin tıgizedi, jolaýshynyń «Ekspress» avtomattandyrylǵan júıesinen anyqtamalyq aqparatty ózi derbes alý, sondaı-aq jol júretin bılet qunyn bank kartochkasy arqyly on-line rejıminde tóleý jáne jolaqylyq qujatyn (bıletti) satyp alý múmkindigi bolady.

ÓQTT qurylǵysyn ornatý jolaýshylarǵa qyzmet kórsetý sapasyn arttyrýǵa baǵyttalǵan is-sharalar aıasynda júzege asyrylyp otyr. Termınaldar jappaı elektrondyq bılet satýdy jedel qolǵa alýǵa jáne bul úrdisti barynsha belsendilikpen damytýǵa múmkindik týǵyzady jáne bıletti resimdeý, satyp alý protsesiniń barynsha ashyq, búrkemesiz júrgizilýin qamtamasyz etedi.

Búgingi kúnge deıin «Qazaqstan temir joly» ulttyq kompanııasynyń Jolaýshylar tasymaldaý qyzmeti 10 ÓQTT qurylǵysyn satyp aldy, olar Almaty, Astana, Qaraǵandy, Aqtóbe qalalarynyń temirjol vokzaldarynda ornatylǵan. Aǵymdaǵy jyl ishinde elimizdiń birqatar iri qalalaryndaǵy temirjol vokzaldarynda taǵy da osyndaı on qurylǵyny iske qosý kózdelgen.

«Qazaqstan Halyq Banki» AQ men «Jolaýshylar tasymaly» AQ ÓQTT qurylǵysy arqyly qyzmet kórsetý jobasyn engizýdi 2010 jyldyń qyrkúıek aıynan bastap qolǵa alǵan bolatyn. Halyq banki birlesken joba boıynsha bank-ekvaıer retinde qyzmet kórsetedi, bul kez kelgen banktiń kartochkasyn ıelenýshige ÓQTT qurylǵysynyń kómegimen bılet satyp alýǵa múmkindik beredi.