Temirjol apatyn ýaqytynda habarlamaǵandar jazaǵa tartylady

ASTANA. QazAqparat - 2017 jyldyń 10 aıynda temirjol kóligindegi qaýipsizdikti saqtaýdaǵy qatelikter týraly ýaqytynda habarlamaǵan tasymaldaý protsesindegi 21 qatysýshy ákimshilik jaýapkershilikke tartyldy, dep habarlaıdy QazAqparat.

«Tólenetin aıyppul mıllıon teńgege jýyq somany quraıdy. Barlyǵy 6 apatty oqıǵa jasyrylǵany anyqtaldy.  Temirjol kóligindegi ózgertilgen qaýipsizdik erejelerine sáıkes, tasymaldaýshylar men qosalqy qyzmetter magıstraldi, stansalyq jáne kirme joldardaǵy jol qaýipsizdigi erejeleriniń buzylýy týraly aqparatty ýákiletti organ men onyń aımaqtyq bólimshelerine berýge mindetti», - dep atap ótilgen QR IDM baspasóz qyzmetiniń málimetinde.

Atap aıtqanda, habarlama tótenshe jaǵdaı bolǵannan keıin bir saǵatqa jetpeı jiberilýi tıis. Bolǵan apatty oqıǵa jaıynda tolyq aqparat bir táýlik ishinde jiberilýi kerek.

Tasymaldaý úrdisine qatysýshylary sanatyna júkterdi jetkizý qyzmetin paıdalanýshylar, tasymaldaýshylar, ınfraqurylym ulttyq operatory, lokomotıvti júrgizý operatory jáne vagon operatorlary kiredi.