Temirjol apattaryn endi Indýstrııa mınıstrligi tergeıdi

ASTANA. QazAqparat – Indýstrııa jáne ıfroqurylymdyq damý mınıstrligine qosymsha mindetter júktelmek. Atap aıtqanda, vedomstvo endi temirjol apattaryn tergep-tekseredi. Buǵan deıin mınıstrlik tek mán-jaıdy anyqtaý jumystaryna qatysýshy bolatyn. Bul týraly «Ashyq» NQA portalynda jarııalanǵan Úkimet qaýlysynyń jobasynda jazylǵan, dep habarlaıdy QazAqparat tilshisi.

Qaýlyda jazylǵandaı, endi vedomstvoǵa myna fýnktsııalar beriledi:

- ortalyq ýákiletti organmen kelisý boıynsha jylyna 200 myń jolaýshydan az jolaýshylar legimen operatsııalyq shyǵyndardy jabý úshin kiristerdiń jetkilikti deńgeıin qamtamasyz etpeıtin kommýnaldyq menshiktegi áýejaılardy sýbsıdııalaý tártibin bekitý;

- avtomobılderdiń salmaǵyn ólsheý stantsııalarynyń jumysyn uıymdastyrý qaǵıdalaryn ázirleý jáne bekitý;

- qalalyq relsti kóliktegi qaýipsizdik qaǵıdalaryn ázirleý jáne bekitý;

- QR aýmaǵynda jolaýshylar poıyzyna jyljymaly quramnyń relsten shyǵyp ketýine alyp kelgen temirjol kóligindegi oqıǵalardy, temirjol kóligindegi apattardy, avarııalardy tergep-tekserý;

- teńiz kemelerin kýálandyrý qaǵıdalaryn ázirleý jáne bekitý;

- azamattyq avıatsııa salasyndaǵy tólemderdi alý qaǵıdalaryn ázirleý jáne bekitý;

- monopolııaǵa qarsy organmen kelisý arqyly ınfraqurylymdyq alymdardy esepteý ádistemesin ázirleý jáne bekitý;

- pılotsyz avıatsııalyq júıeler operatorlarynyń bilimi men daǵdylaryn daıyndaý jáne baǵalaý jónindegi qaǵıdalardy ázirleý jáne bekitý;

Qaýly jobasy 26 sáýirge deıin kópshilik talqylaýda bolady.