Temirtaýlyqtar jylýsyz qaldy: Ákim turǵyndardan keshirim surady
TEMІRTAÝ. QazAqparat – Temirtaý turǵyndary aıazda jylýsyz qaldy. Munyń sebebi qalany jylýmen qamtamasyz etetin JEO-2 jóndeý dep ataldy. Keltirilgen qolaısyzdyq úshin Temirtaý qalasynyń ákimi Qaırat Begimov turǵyndar aldynda keshirim surady. Mamandar eki qazandyqty saǵat 11.00-de jáne 13.00-de qosýǵa ýáde berdi, dep habarlaıdy QazAqparat tilshisi.
Qala ákimi Qaırat Begimov temirtaýlyqtarǵa áleýmettik jelilerde ortalyqtaǵy jaǵdaıdy túsindirdi.
«ArselorMıttal Temirtaý» JEO-2 qazandyq jabdyǵyndaǵy jóndeý jumystaryna baılanysty qalaǵa jylýmen jabdyqtaý tómendetilgen parametrlermen beriledi. Jóndeý brıgadalary kúsheıtilgen rejımde jumys isteýde ... qalyptasqan jaǵdaı úshin qala turǵyndarynan keshirim suraımyn», - dedi Temirtaý qalasynyń ákimi.
Sondaı-aq, qala basshysy turǵyndardan ótinimder qabyldaý úshin (7213) 98-08-66 jáne 99-62-62 telefondary boıynsha «Oqjetpes-T« kóp arnaly jelisi jumys isteıtinin habarlady. Qala ákimi tutynýshylarǵa jylý úshin qaıta eseptelýi júrgiziletinine sendirdi.
Temirtaýda beısenbi kúni aýa temperatýrasy -25 gradýsqa deıin tómendedi, jeldiń jyldamdyǵy sekýndyna 18 metrge jetedi.
Temirtaý ákimdiginde temperatýralyq rejım saǵat 13.00-ge deıin qalpyna keltiriletini týraly habarlady.
«26 aqpan kúni saǵat 07.00-de JEO-2-de 3 qazandyq jumys isteýde, jóndeý jumystary ekeýinde aıaqtaldy. Bul qazandyqtarda sáıkesinshe 06.30 jáne 06.40-ta ot jaǵyldy. Qazandar jelige saǵat 11.00 jáne 13.00-de qosylady, jalpy qala boıynsha temperatýralyq rejım saǵat 13.00 - ge deıin qalpyna keltiriledi», - dep habarlady ákimdikte .
