Temirtaýlyqtar ýádede turmaǵan kórshisiniń ústinen aryz jazdy
QARAǴANDY. QazAqparat - Temirtaýlyqtar kireberiske jóndeý júrgizip beremin dep ýádesinde turmaǵan kórshisiniń ústinen aryz túsirdi, dep habarlaıdy QazAqparat tilshisi.
«Biz kireberiske jóndeý jumystaryn júrgizýdi uıǵardyq. Páterin jalǵa beretin kórshilerimizdiń biri óz qyzmetin usynyp, naryqtaǵy baǵadan arzanyraq jasap beretinin aıtty. Aqshamyzdy alyp, izim-ǵaıym joǵaldy. Telefon qońyraýyna jaýap bermedi, jalǵa beretin páterine de kelmedi», - dedi Kalının kóshesinde ornalasqan úı turǵyndary.
Turǵyndar polıtsııaǵa habarlasyp, kórshisiniń ústinen aryz jazǵan.
«Tergeý júrip, sot úkimi shyǵady dep oılaǵanbyz. Tipti aqshamyzdy keri alatynymyzǵa da kúmánmen qaradyq. Biraq, polıtsııaǵa barǵan kúni-aq, álgi kórshimiz aqshamyzdy ákelip, keshirim surady. Polıtseılerdiń oǵan ne aıtqanyn bilmeımiz, biraq kórshimizdiń óz aıaǵymen kelip, aqshamyzdy qaıtarýy naǵyz jańajyldyq syılyq boldy», - deıdi turǵyndar.
Turǵyndar Temirtaý ІІD shyǵys polıtsııa bóliminiń qyzmetkerlerine - polıtsııa maıory Rahat Rahymovqa, aǵa leıtenant Jandos Sultanǵa jáne leıtenant Jan Alpysbaıǵa alǵys aıtady.
