Temirtaýlyq jas qutqarýshylar Belarýste ótken halyqaralyq sletke qatysty
QARAǴANDY. 11 qazan. QazAqparat - Qaraǵandy oblysynyń Temirtaý qalasynan barǵan jas qutqarýshylar Belarýs Respýblıkasynda, ulttyq balalar «Zýbrenok» bilim berý-ońaltý ortalyǵynyń bazasynda ótken halyqaralyq sletke qatysty.
Bul týraly Temirtaý qalasy boıynsha Tótenshe jaǵdaılar jónindegi basqarmanyń baspasóz qyzmeti habarlady.
«Jas órt sóndirý-qutqarýshylardyń X halyqaralyq sletine 13 taıaý jáne alys shetelderdiń ókilderi jınaldy. Qazaqstan atynan Temirtaý qalasy SOS Balalar aýylynyń «Altyn Juldyz» komandasy bardy», - dep habarlady qalalyq TJB.
Jas qutqarýshylar kóptegen baıqaýlarda kúsh synasty.
«Slettiń qorytyndysy boıynsha Temirtaýdan barǵan jas qutqarýshylarǵa júldeger-komandanyń dıplomy berildi. Komanda ártúrli saıystar men tanystyrylymda birneshe atalym boıynsha júldelerdiń ıegeri atandy», - dep atap ótti TJB-nyń baspasóz qyzmeti.
