Temirtaýlyq voleıbolshylar Qyrǵyzstannyń ashyq chempıonatyna qatysýda
ALMATY. 28 qańtar. QazAqparat - Bishkekte 23-27 qańtar kúnderi Qyrǵyzstannyń voleıboldan áıelder komandalary arasynda V ashyq chempıonatynyń 1-shi týry ótti. Qazaqstan Respýblıkasynyń voleıbol federatsııasynyń baspasóz qyzmetiniń habarlaýynsha, oǵan Qyrǵyzstannan Bishkektiń «Salam-Alık», «Namys» (Bishkek), «Ýlar» jáne Oshtyń «Alaı-Datka» men Qazaqstannan Temirtaý qalasynyń negizgi jáne 1998-99 jyly týǵan jasóspirimderinen quralǵan «Spartak AMT» komandalary qatysty.
Alǵashqy týrda Temirtaýdyń «AMT Spartak» komandasynyń negizgi quramy «Ýlar», «Alaı-Datka» men óziniń jasóspirimder quramasyn 3:0, al «Namys» pen «Salım-Alık» komandalaryn 3:1 esebimen utty. Jasóspirimder bolsa «Alaı-Datka» men «Salam-Alıkke» 1:3, al ózge komandalarǵa 0:3 bop utyldy.
«Birinshi ret týrnırge bıyl shekaradan tys jerdegi komandalar qatysýda. Mundaı qadamǵa biz óz voleıbolshylarmyzdyń sheberligine alańdaǵandyqtan barýǵa májbúr boldyq. Negizgi maqsat sáýir aıynda Stambýlda ótetin túrkitildes elderdiń chempıonatyna oıynshylardy irikteý», - deıdi Qyrǵyz Respýblıkasynyń voleıbol federatsııasynyń Bas hatshysy Kylychbek Sarbagıshev.
