Temirtaýlyq voleıbolshylar el chempıonatynyń 4-týryn sátti ótkizýde
ALMATY. 20 naýryz. QazAqparat - Temirtaýda voleıboldan joǵary lıganyń «A» tobyndaǵy áıelder komandalary arasynda HH Qazaqstan chempıonatynyń 4-týry ótýde.
Onda qazir jarys qojaıyndary («Spartak AMT») ǵana jeńilissiz kele jatyr. Olar qaraǵandylyq («Qaraǵandy-2»), oraldyq («Gratsııa») jáne qostanaılyq voleıbolshylardy oısyrata (3:0) jeńdi. Almatylyqtar («Almatınochka») bolsa «Gratsııa», «Qostanaı», «Qazhrom» (Pavlodar) komandalaryna 0:3 esebimen ese jiberdi. Olar endi «Qaraǵandy-2» men «Spartak AMT» komandalarymen kezdesedi. Al temirtaýlyqtar Almaty men Pavlodardan kelgen qurbylarymen kúsh synasady. «Qazhrom» voleıbolshylary buǵan deıin qaraǵandylyqtardy 3:2, almatylyqtardy 3:0 etip utyp, qostanaılyqtardan ǵana 0:3 esebimen jeńilis tapqan.
