Temirtaýlyq Tatıana Potemkına Eýropa chempıonatynda taǵy da jeńimpaz atandy
ASTANA. QazAqparat - Bolgarııanyń Varna qalasynda gir tasyn kóterý sporty boıynsha Eýropa chempıonaty ótti. Tatıana Potemkına úzdik atandy.
Belgili temirtaýlyq sportshy «Nasha ıArmarka» gazetiniń redaktsııasyna qońyraý shalyp, 24 kelilik gir tasyn 160 ret kótergenin habarlady. Bul onyń jeńimpaz atanýyna múmkindik týǵyzdy.
Tatıana birneshe ret álemdik rekordty jańartqan. Sońǵy ret Lıtvadaǵy V dúnıejúzilik olımpıadalyq emes sport túrleriniń TAFISA «Sport barlyǵy úshin» oıyndarynda rekord ornatqan. Onda Tatıana 24 kelilik gir tasyn 165 ret kótergen. Temirtaýlyq sportshy álemniń alty dúrkin chempıony. Bıyl Potemkına Sankt-Peterborda álemniń altyn kýboginiń ıegeri atandy, dep habarlady sports.kz.
