Temirtaýdyń «Vdohnovenıe» án-bı ansambli halyqaralyq baıqaýda on júldeli kýbokty jeńip aldy
QARAǴANDY. 25 aqpan. QazAqparat - Qaraǵandy oblysyndaǵy Temirtaý qalasynyń betke ustar «Vdohnovenıe» án-bı ansambli Reseıde ótken halyqaralyq baıqaýda birden on marapatty ıelenip, rekord ornatty. Bul týraly ansamblden habarlady.
«Biz Sankt-Peterbor qalasynda ótken vokaldyq-sahnalyq shyǵarmashylyǵynyń «Sahnanyń ár jaǵynyń ǵajap álemi» VI halyqaralyq baıqaýyna qatystyq. Reseıge 15 bala jáne 2 ustaz bardy. Olar solo, dýet, trıo, ansambl atalymdary boıynsha óner kórsetti. Sonyń ishinde qazaq tilderinde án aıtty», - dep baıandady ansambldiń kórkemdik jetekshisi Margarıta Chıstıakova.
Qazylar alqasy qazaqstandyqtardyń ónerine joǵary baǵa berdi. «Vdohnovenıeniń» balalary 10 júldeli kýbokty jeńip aldy. «Bir baıqaýdan osynshama júlde alý biz úshin rekord», - dep atap ótedi kórkemdik jetekshi. Tórt sanatta Temirtaý ártisteri birinshi oryndardy ıelendi. Shyǵarmashylyq ujymǵa sondaı-aq jazda Bolgarııa eline barý sertıfıkaty berildi.
Budan basqa, qazaqstandyqtarǵa festıvaldiń ashylýy men jabylýynda óner kórsetý senip tapsyryldy. «Ashylý kezinde bizdiń uldarymyz temirtaýlyq kompozıtor Lıýdmıla Týrkınanyń «Snejnyı bars» óleńin shyrqady. Al jabylýyna bir kún qalǵanda olarǵa Aleksandra Pahmýtova men Nıkolaı Dobronravov jazǵan «Ne stoıat na meste, a ıdtı vpered» arnaıy festıvaldyq óleńiniń mátini berildi», - dep áńgimeledi M. Chıstıakova.
