Temirtaýdyń qaq ortasynda marshrýttyq avtobýs otqa orandy
QARAǴANDY. QazAqparat - Temirtaýda PAZ markaly jolaýshylar avtobýsy órtendi. Órt qoǵamdyq kóliktiń ishinen shyqqan, dep habarlaıdy QazAqparat.
Oblystyq TJD baspasóz qyzmetiniń habarlaýynsha, oqıǵa 22 qyrkúıek kúni saǵat 15:41-de altynshy shaǵynaýdandaǵy №24 turǵyn úıdiń mańynda bolǵan. №15 marshrýttaǵy avtobýs áýeli aqaýǵa baılanysty toqtaǵan, odan keıin kóliktiń ishinen órt shyqqan.
Tilsiz jaý 15:56-da aýyzdyqtalyp, 16:04-te tolyq sóndirilgen.
Málim bolǵandaı, jalyn 15 sharshy metr aýmaqty sharpyǵan. Japa shekkender joq. Qazirgi sátte órttiń neden shyqqany anyqtalyp jatyr.
