Temirtaýdaǵy JEO-nyń plıtalary opyrylyp tústi
ASTANA. QazAqparat - Qaraǵandy oblysy Temirtaý qalasynda «ArselorMıttal Temirtaý» (AMT) AQ JEO-synda eki qatar plıta opyryldy. Bul týraly AMT baspasóz hatshysy Alekseı Agýreev málim etti, dep habarlaıdy «QazAqparat» HAA tilshisi.
«JEO-nyń Bý-aýa úrleıtin stansasynda tóbeniń eki qatar plıtasy opyrylyp tústi. Eshkim zardap shekken joq. Qaýipsizdik úshin №3 jáne №4 qazandyqtarynyń jumysy toqtatyldy. Qazirgi ýaqytta 4 qazandyq jumys istep tur», - dep jazdy Alekseı Agýreev Feısbýktegi paraqshasynda.
Metallýrgııa kombınatyndaǵy óndiris qalypty rejimde jalǵasyp jatyr. Oqıǵanyń mán-jaıy anyqtalýda, dedi ol.
