Temirtaýdaǵy JEO-da órt shyqty
QARAǴANDY. QazAqparat - Temirtaýdaǵy JEO ǵımarattarynyń birinde órt shyqty, dep habarlaıdy «QazAqparat» HAA tilshisi.
Qalalyq TJB «ArselorMıttal Temirtaý» AQ JEO-2 otyn-kólik tsehynyń vagon-aýdarǵysh ǵımaratynda kómir men ony tasıtyn kólik lentasy janyp ketkenin rastady.
«Oqıǵa ornyna «Órt sóndirýshi» AQ-nyń Qaraǵandydaǵy bólimshesiniń birinshi jasaǵyna tıesili 8 avtotsısterna men 1 avtosaty pen TJD Órt sóndirý jáne apattyq-qutqarý jumystary qyzmetiniń tórtinshi jasaǵy jetti», - dep habarlady Temirtaý qalalyq TJB basshysy Arman Alpysbaev.
Qaýiptiligi eń joǵary deńgeıde belgilengen órt sóndirildi.
«Órtti sóndirýge qoıý tútin men ǵımarattyń qurylymdyq ereksheligi kedergi keltirdi. 12:47-de órt sóndirildi. Oqys oqıǵa óndiristik protseske kedergi keltirmedi», - dep túsindirdi Arman Alpysbaev.
