Temirtaýdaǵy toı korteji jelini shýlatty
ASTANA. QazAqparat - Temirtaýda toı korteji jol erejesin óreskel buzǵan, dep habarlaıdy QazAqparat tilshisi.
Jol qozǵalysy tártipterin buzyp, apatty jaǵdaılar týdyrǵan toı kólikterin Valerıı Pyshkov esimdi azamat vıdeoregıstratordyń kamerasyna jazyp alǵan. Ol mashına kortejynyń jylan sekildi «bılep», bir jolaqtan kelesi jolaqqa aýysyp kele jatqanyn túsirgen.
Kortej tek qıylystaǵy baǵdarshamda jyldamdyqty azaıtyp, sonyń arqasynda basqa kólik ıeleri kortejdy artta qaldyrǵan.
Bul oqıǵanyń kýágerleri bolǵan kólik júrgizýshileri toıdyń úsh avtomobıl júrgizýshileri ustalyp, apattyq jaǵdaı týdyrǵany úshin ákimshilik jaýapqa tartylady dep úmittenedi.
Aıta keteıik, toı kortejderi Qazaqstan boıynsha vıdeorolıkterdiń jaǵymsyz keıipkerlerine aınalyp úlgerdi.
