Temirtaýdaǵy mektepte órt shyqty
QARAǴANDY. QazAqparat - Temirtaý qalasyndaǵy mekteptiń sheberhanasy órtendi. 21 adam órt sóndirýshiler jetkenshe óz betimen ǵımarattan shyǵyp úlgergen, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«10 qańtar kúni 17:13-te órtke qarsy qyzmetke Temirtaý qalasyndaǵy №1 jalpy orta bilim beretin mektepte órt shyqqany týraly habar keldi. Mekteptiń sheberhanasyndaǵy 0,2 sharshy metr aýdandy alyp jatqan qoqys órtengen. 21 adam órt sóndirýshiler jetkenshe óz betimen ǵımarattan shyǵyp úlgergen. Sonyń 15-i balalar», - delingen habarlamada.
Órt saǵat 17:27-de aýyzdyqtalyp, 17:29-da tolyqtaı sóndirildi. Qurban bolǵandar joq, eshkim zardap shekpegen. Oqıǵa ornyna Qaraǵandy oblystyq tótenshe jaǵdaılar departamentiniń 17 qyzmetkeri men 6 tehnıkasy jumyldyrylǵan.
Avtory: Kamıla Ámirova
