Temirtaýdaǵy lombardtan iri kólemde zergerlik buıymdar urlaǵandar Astanada ustaldy
ASTANA. QazAqparat - «Rýbej» beketinde astanalyq polıtseıler kólik tekserý barysynda jalpy salmaǵy 2 keli altyn buıymdar men iri somada aqsha taýyp, tárkiledi.
Bul týraly Astana ІІD baspasóz qyzmetinen habarlady.
27 qazanda túngi saǵat 02 shamasynda elordalyq ІІD jol-kólik polıtsııasynyń qyzmetkerleri «Rýbej» ótkizý beketinde qujattardy tekserý maqsatynda kólikti toqtatqan.
Tekserý barysynda 33 jastaǵy júrgizýshiniń Qaraǵandy oblysy Temirtaý qalasynyń turǵyny ekendigi anyqtaldy. Budan basqa, kólik salonynda 29 jáne 25 jastaǵy Qaraǵandy turǵyndary bolǵan. Qujat tekserý barysynda olar qatty abyrjyp, sezik týdyrdy.
Salondy tekserý barysynda iri kólemde salmaǵy 2 kelideı bolatyn zergerlik buıymdar (altyn áshekeıdiń 600-deı túri) men eki mıllıon teńgeden astam aqsha tabyldy.
Ustalǵandar qazannyń 24-inen 25-ine qaraǵan túni Qaraǵandy oblysy Temirtaý qalasy saýda úıeriniń birindegi zerger buıymdar dúńgirshegin tonaǵan. Olardyń aıtýynsha, altyn buıymdardyń bir bóligin Astana lombardtaryna satyp ta úlgergen.
Qazirgi ýaqytta tekserý júrgizilýde.
