Temirtaýdaǵy lıtseı dırektory kóktaıǵaqqa baılanysty sabaqty toqtatqany úshin jazalandy
QARAǴANDY. QazAqparat - Temirtaý qalalyq bilim bóliminiń basshysy kóshedegi kóktaıǵaqqa baılanysty 25 jeltoqsan kúni óz erkimen sabaqty toqtatqany úshin «Birinshi Temirtaý klassıkalyq lıtseıi» mekemesiniń dırektoryna qatań sógis jarııalady, dep habarlaıdy «QazAqparat» HAA tilshisi.
«Lıtseı dırektory, ata-analardyń suraǵanyn jasaǵan. Biz mektepke deıin jete almadyq, joldyń bári aınadaı jarqyraǵan muz bolatyn. Balamdy lıtseıge jiberýge qoryqtym, sabaq bolmaıtynyn estigende qatty qýandym»,-deıdi ata-analardyń biri Natalıa Sıvırıdova.
Alaıda, bilim bóliminiń basshysy, dırektordyń sheshimin zańsyz dep tanyp, 28 jeltoqsan kúni oǵan qatań sógis jarııalanǵany týraly buıryq shyǵarǵan.
Lıtseı dırektory óz sheshiminiń zańǵa qaıshy emestigin aıtyp, buıryqpen tanysqan kezde osy jóninde jazyp ta ketipti.
«Buıryqpen tanystym jáne onymen kelispeımin. Óz sheshimimdi 100 paıyz durys dep sanaımyn», dep jazady lıtseı dırektory Igor Pashın.
