Temirtaýdaǵy Qysqy baqta shefflera gúldedi

Munda 100-den astam ósimdikter túrleri ósedi. Osy sekildi oranjereıalar Qazaqstannyń basqa da qalalarynda bar, alaıda olar ǵylymı maqsatta paıdalanylady. Al temirtaýlyq baq jyl boıy kelýshiler úshin esikterin aıqara ashady. 

Qysqy baq qyzmetkerleriniń aıtýynsha jobalyq oryndaý biregeı jáne kúrdeli bolyp tabylady. Arka tıptes bıik ǵımarat tómennen joǵaryǵa deıin vıtrajdarmen kómkerilgen.

 Búgingi kúni ekzotıkalyq ósimdikterdi nebári eki qyzmetker baptaıdy: agronom jáne kógaldandyrýshy. Atqarylatyn jumys qolmen jasalady: ósimdikterdi qubyrshekter sýǵarýǵa týra keledi. Jumyskerler qazirgi zamanǵa tamshylap sýarý júıesin ornatýdy armandaıdy. Árdaıym ylǵaldylyq pen qajetti temperatýrany, ıaǵnı - 12 gradýstan tómen túspeıtin jylylyqty saqtap otyrý qajet. Jylytý ortalyqtandyrylǵan, sonymen qatar jylytý atqarymy bar qýatty jeldetý júıesi jumys isteıdi. 
Oranjereıa boıynsha ekskýrsııany osynda jeti jyl boıy jumys istep kele jatqan agronom Botagóz Tashenova ótkizdi. 
Eń bıik ósimdikter - qurma palmasy men vashıngtonııa, eń tómengi qabatty tradeskantsııa qaptap jatyr. Qurma palmasy jaqsy ósip keledi, 90-shy jyldary Qaraǵandy botanıkalyq baǵynan alyp kelingen kóshet. Qazirgi kúni onyń dińgegin eki metall tireýishter tirep tur. 
Trahıparkýs palmasynyń qýrap qalǵan butalaryn kesý úshin alpınıstter kómegine júginedi. Ótken jyly ósimdiktiń tuqymdary alynǵan - búginde olar otyrǵyzylǵan. 


 Botagóz Tashenova óziniń maqtan tutatyn ósimdigin kórsetti - gıbıskýs (qytaı raýshan gúli). Bul gúldiń kútimi óte kúrdeli. Oranjereıada jándikterdi ýlaǵan kezde raýshan gúlder aýyryp qalǵan. Olardy qaıta qalpyna keltirý úshin biraz kúsh jumsaǵan eken. Osy qysta gıbıskýs tynymsyz gúldep jatyr, ádette olar kúzdiń sońynda uıqyǵa ketetin. 
Mereıtoı jyly jabaıy tabıǵatta óte sırek gúldeıtin shefflera da tosyn syı jasady. 

- Ony 10 jyl buryn jastar otyrǵyzǵan. Bizde bir dástúr bolatyn: neke qııý kezinde jas jubaılar estelik retinde bir ósimdik otyrǵyzatyn. Birer kún buryn mynadaı túıin kórdik. Biz úshin ol úlken qýanysh, sebebi ol bizde alǵash ret gúldep otyr, - deıdi agronom.
Sonymen qatar Qysqy baqta qala turǵyndary syılaǵan ósimdikter bar. Bir kúni bizge bir kisi bes palma kóshetterin syıǵa tartty. Basqa bir temirtaýlyq turǵyn Taılandtan qumyraǵa otyrǵyzylǵan kishkentaı aǵash alyp keldi. Onyń ataýyn áli kúnge deıin eshkim bilmeıdi, al ósimdik bolsa jersinip, eki jyl ishinde eki metr bıiktikke ósip úlgerdi. 

 Munda sonymen qatar tanymal tulǵalar otyrǵyzǵan ekzotıkalyq óimdikter de bar. Qazaqstandyq ǵaryshkerler Toqtar Áýbákirov pen Talǵat Musabaev saýyraǵash pen oleandr otyrǵyzdy, al reseılik ǵaryshker ıÝrıı Batýrın - kanar qurmasyn ekti. 2000-shy jyly «Bota» qorynyń tóraıymy Sara Nazarbaeva balalar úıiniń ashylýyna kelgende Qysqy baqta oleandr kóshetin otyrǵyzyp ketken. 
Baqta jyl saıyn banan túsimi jınalady. Ol sándik aǵash surpynan: tekstıldi abaka, sondyqtan jeýge jaramsyz. Ekskýrsııaǵa kelgen balalarǵa baq qyzmetkerleri injir beredi - kúzde bir aǵashtan eki shelek túsim jınaýǵa bolady. 
Monstera da jemis beredi. Bıylǵy jyly alǵashqy sobyq paıda boldy, ol shashamen segiz aı pisedi. Sol kezde baqtyń ishin hosh ıis alyp ketedi. Jemis tátti - ananas pen banannyń aralas dámine uqsas. 


 Qysqy baqta zoo burysh ta bar. Kelýshiler taýys, qoıandar, kirpiler jáne basqa da janýarlardy kóre alady. 
Temirtaýdaǵy Qysqy baq 1993-shy jyldyń 16-shy qańtarynda ashylǵan. Oranjereıanyń aýdany - 2000 sharshy metrden asady.