Temirtaýdaǵy eki mektepke Álıhan Bókeıhan men Baýyrjan Momyshulynyń esimderi berildi

QARAǴANDY. QazAqparat - Qazaq eliniń ataqty uldarynyń esimderimen metallýrgter qalasynyń eki oqý orny ataldy, dep habarlaıdy QazAqparat Qaraǵandy oblysy ákiminiń resmı saıtyna silteme jasap.

Temirtaýdaǵy №15 qazaq mektep-gımnazııasyna qoǵam jáne saıası qaıratker Álıhan Bókeıhannyń esimi berildi. Ol - «Alash» ulttyq partııasynyń negizin qalaýshylardyń biri. 1917 jyly Álıhan Bókeıhan Qazaq avtonomııasy úkimetiniń basshysy boldy.

Oqý ornynyń dırektory Baǵdat Nashkenov bul búkil ujym, oqýshylar men olardyń ata-analary úshin úlken maqtanysh dep sanaıdy.

- Jańa jyl qarsańynda mektepke memleketimizdiń damýynyń bastaýynda turǵan Álıhan Bókeıhannyń esimi berildi. Biz buǵan óte qýanyshtymyz, - dedi Baǵdat Nashkenov.

Temirtaýdaǵy №23 mektepke belgili qazaq qolbasshysy Baýyrjan Momyshulynyń esimi berildi. Máskeý túbindegi shaıqasta kórsetken erligi men batyrlyǵy úshin kapıtan Baýyrjan Momyshuly Keńes Odaǵynyń Batyry ataǵyna ıe boldy.

Jergilikti bıliktiń aıtýynsha, bul ataýlar bizdiń elimizdiń táýelsizdigi úshin kóp jumys jasaǵan uly ata-babalarǵa qurmet bolyp tabylady.

Bıyl Qazaqstan Respýblıkasy derbes memleketke aınalǵanyna 30 jyl tolady. Osyǵan oraı Temirtaýda aqyndar aıtysy, «Jaýyrtaý kezdesý» oblystyq Forýmynyń festıvali jáne basqa da sharalar ótedi.