Temirtaýdaǵy atys: Jaraqat alǵandar aýrýhanadan shyǵaryldy
QARAǴANDY. QazAqparat - Temirtaýda atys kezinde jaraqat alǵandar aýrýhanadan shyǵaryldy, dep habarlaıdy QazAqparat tilshisi.
«Sońǵy eki naýqas Temirtaý qalasyndaǵy ortalyq aýrýhanadan shyǵaryldy. Búginde beseýiniń de jaǵdaıy turaqty dep baǵalanýda», - dedi Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
Eske salaıyq, 10 mamyrda Qaraǵandy oblysty Temirtaý qalasynda bolǵan atys saldarynan 18-25 jas aralyǵyndaǵy 5 jigit aýrýhanaǵa jetkizilgen bolatyn. Qalanyń 20 jasar turǵyny jigittermen sózge kelip qalǵandyqtan, oq atqanyn moıyndady. Atalmysh fakti boıynsha, QR QK «Adam óltirýge oqtalý» baby boıynsha sotqa deıin tergeý bastalyp ketti.
