Temirtaýda jylý qymbattady
QARAǴANDY. QazAqparat - Temirtaý qalasynyń turǵyndary 1 mamyrdan bastap, tarıf baǵasy kóterilgen kvıtantsııalardy ala bastaıdy, dep habarlaıdy QazAqparat.
Jylytylatyn 1 sharshy metr úshin tólenetin qunnyń ósimi 1,96 teńgeni qurady. Jylý energııasyn tutyný normasy Qaraǵandy oblysy ákimdiginiń 2017 jyldyń 9 aqpanyndaǵy «Jylýmen qamtamasyz etý jónindegi normalardy bekitý týraly» qaýlysy boıynsha, sharshy metrine 2,3 protsentke ósti.
Aıta keteıik, Qaraǵandyda sáýir aıynan bastap, elektr qýatynyń baǵasy ósti. 1 mamyrdan bastap, qaraǵandylyqtar sáýir aıynda tutynylǵan energııanyń kóterilgen baǵamen eseptegen kvıtantsııalardy ala bastady.
Osylaısha, elektrli plıtalardy qoldanýshylar úshin 100 kVts deıingi 1 adamǵa shaqqandaǵy tutyný normasy 9,6 teńgeni qurady, buryn ol 8,86 teńge bolatyn. 100-den 180 kVts/adam - 12,75 teńge (eski tarıf - 11,79 teńge). 180 kVts/adam joǵary bolǵanda - 15,93 teńge (eski tarıf - 14,75 teńge) bolǵan.
