Temirtaýda júrginshini kólikpen qaǵyp ketken júrgizýshi eki aıǵa tutqyndaldy
QARAǴANDY. QazAqparat - Qaraǵandy oblysynyń Temirtaý qalasynda sot júrginshini basyp ketip, onyń ólimine sebep bolǵan júrgizýshige 2 aı merzimge qamaýda ustaý túrinde bultartpaý sharasyn belgiledi. Bul týraly qalalyq sottyń baspasóz qyzmeti habarlady.
«Temirtaý qalalyq sotynda QR QK 345-baby 3-bóliminde kózdelgen qylmysty jasaǵan kúdiktige 2 aı merzimge qamaýda ustaý túrinde bultartpaý sharasyn sanktsııalady», - delingen habarlamada.
Sottyń aqparatyna sáıkes apat 7 shildede TemirtaýdyńMetallýrgter dańǵylynda oryn alǵan. «Lada Priora» markaly kólik júrgizýshisi jol qaýipsizdigin saqtamaı, jyldamdyqty asyra júrip kele jatyp, baǵdarsham belgisi boıynsha joldan ótip kele jatqan áıeldi qaǵyp ketti. Zardap shekken áıel alynǵan jaraqat saldarynan aýrýhanada kóz jumdy.
Kúdiktiniń advokaty sýdıa qaýlysyna narazylyq bildirýge tyrysty. Apellıatsııalyq alqa shaǵymdy qanaǵattandyrmady. Sanktsııalaý týraly qaýly zańdy kúshine endi.
