Temirtaýda joldardy jóndeýge 2 mlrd teńgeden astam qarajat bólindi
ASTANA. QazAqparat - Temirtaýda jol jóndeý máselesi basym baǵyttardyń biri bolyp tabylady. 2018-shi jyly bul maqsattarǵa bıýdjetten 2 mlrd teńgeden astam qarjy bólindi. Ol jaıly shahar ákimi Ǵalym Áshimov Aımaqtyq kommýnıkatsııalar qyzmetinde ótken brıfıng barysynda málim etti, dep habarlaıdy Qaraǵandy oblysy ákiminiń resmı saıty.
«Barlyqtaryńyz bilesizder, bizdiń qaladaǵy avtojoldardyń jaǵdaıyna qatysty kóp syn aıtylǵan bolatyn. Ótken jyly bul máseleni sheshý naqty qolǵa alyndy. Avtojoldardy jóndeý jáne qalypta ustaýǵa qajetti shyǵyndar 2 mıllıard 165 mıllıon teńgeni qurady. Shamamen 50 shaqyrym jol jóndeýden ótti», - dedi Ǵalym Áshimov. -2018-shi jyly ol jumystardy jalǵastyratyn bolamyz. Bul maqsattarǵa 2 mlrd 83 mln teńge bólindi.
Bıylǵy jyly Temirtaýda 10 kósheniń joldary jóndeledi - jalpy eseptegende 18,5 shaqyrym. 23 oram aralyq avtojoldardy qalypqa keltirý josparlanyp otyr».
