Temirtaýda joǵalyp ketken jasóspirim qyz Batys Qazaqstannan tabyldy
ORAL. QazAqparat – Temirtaý qalasynda joǵalyp ketken jasóspirim qyz Batys Qazaqstan oblysynan tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, Báıterek aýdanynyń tártip saqshylary ata- anasymen kerisip, ketip qalǵan 2005 jylǵy qyzdy anyqtady.
Qyz Oralǵa Temirtaýdan avtokólikke jolaýshy retinde minip, jetken.
Polıtseıler Temirtaýdaǵy áriptesterimen habarlasyp, qyzdyń bir aptadaı ýaqyt buryn úıinen ketip qalyp, izdestirilip jatqanyn bildi. Ata-anasyna da qyzdarynyń aman-saý, Oraldaǵy qıyn jaǵdaıǵa tap bolǵan balalarǵa arnalǵan beıimdeý ortalyǵynda ekendigin jetkizdi.
Endi BQO polıtsııa departamenti qyzmetkerleriniń yqpal etýimen jasóspirim qyz Temirtaýdaǵy ata-anasynyń qolyna tapsyrylatyn bolady.
Eske sala keteıik, budan buryn Oralda tún ishinde jalǵan nómirmen júrgen júrgizýshiniń ustalǵanyn jazǵan bolatynbyz.
