Temirtaýda joǵalyp ketken jasóspirim qyz bala 11 kúnnen keıin tabyldy
TEMІRTAÝ. QazAqparat – Qalalyq jasóspirimder isteri jónindegi polıtsııa qyzmetkerleri úıinen ketip qalǵan 16 jastaǵy qyz balany taýyp aldy. Anasy balasyn 11 kún boıy taba almaı júrgen, dep habarlaıdy QazAqparat tilshisi.
7 qazanda Temirtaý qalasy polıtsııasynyń Shyǵys bóliminiń kezekshisine 35 jastaǵy qala turǵyny júginip, 16 jastaǵy qyz balasyn taýyp berýdi suraǵan. Balasy osy jyldyń 28 qyrkúıeginde úıinen shyǵyp ketip, qaıtpaǵan. Anasy balasyn ózi izdep tappaı qoıǵan kórinedi. Polıtsııa qyzmetkerleri jasóspirimniń budan buryn da úıinen qashyp ketip júrgenin anyqtady.
«Jasóspirim qyz balany izdeý jumystaryna oblystyń búkil polıtsııa qyzmetkerleri atsalysty. Balaǵa qatysty málimetter jergilikti arnalardyń, áleýmettik jelilerdiń bárine taraǵan. 9 qazanda polıtsııanyń Shyǵys bóliminiń quqyq qorǵaýshylary volonterlermen birge qyz balany Temirtaý qalasynyń kósheleriniń birinen taýyp aldy. Tekserý kezinde balanyń denesinen eshqandaı zorlyq-zombylyq belgileri anyqtalǵan joq», - dep habarlaıdy Qaraǵandy oblysynyń Polıtsııa departamentiniń baspasóz qyzmeti.
Túsindirý jumystary júrgizilgennen keıin bala anasyna qaıtaryldy. Onyń ákesi men sheshesi ajyrasqan adamdar bolyp shyqty. Kórshileri atalmysh otbasy týraly jaqsy pikir aıtqan. Polıtsııa qyzmetkerleri qazir onyń ne sebepti úıinen ketip qalǵanyn anyqtaýda.
Avtor: Galına Skrıpnık
