Temirtaýda joǵalǵan balany 200-den astam adam izdedi
QARAǴANDY. QazAqparat – Temirtaýda 9 jasar bala joǵalyp ketti. Balany izdestirýge 198 polıtseı men 100 áskerı qyzmetker jumyldyryldy, dep habarlaıdy «QazAqparat» HAA tilshisi.
Osy jyldyń 25 qyrkúıegi kúni, saǵat 00.30-da Temirtaý qalalyq polıtsııa basqarmasynyń Starogorod polıtsııa bólimshesiniń kezekshi bólimine 9 jastaǵy ulynyń joǵalǵanyn aıtyp, 30 jastaǵy áıel aryzdanǵan. Bala 24 qyrkúıek kúni saǵat 18.30-da joǵalǵan, alaıda anasy polıtsııaǵa 00.30-da ǵana kelgen.
«Atalmysh derek boıynsha Temirtaý qalasy polıtsııa basqarmasynyń jeke quramy, 168 qyzmetker, 100 áskerı qyzmetker jumyldyryldy. Jedel izdestirý sharalaryn júrgizý barysynda 25 qyrkúıek kúni saǵat 03.00-de joǵalǵan bala týystarynyń úıinen tabyldy», - dep málim etti Qaraǵandy oblysy polıtsııa departamentiniń baspasóz qyzmeti.
Atalmysh derek Temirtaý qalasy ákiminiń qasyndaǵy kámeletke tolmaǵandardyń isi jáne olardyń quqyǵyn qorǵaý jónindegi komıssııasynda qarastyrylady. Bul jaǵdaıǵa balanyń sabaqtan tys ýaqytta ata-ananyń qaraýynsyz qalyp qoıýy sebep bolyp otyr.
