Temirtaýda jeti úıdi sý basty
ASTANA. QazAqparat - Tolassyz jaýǵan jańbyr men qardyń erýinen Temirtaý qalasyndaǵy jeti jekemenshik úıdi sý basty, dep habarlaıdy QazAqparat Qaraǵandy oblystyq TJD baspasóz qyzmetine silteme jasap.
TJD bólimsheleri, jergilikti atqarý organdary, jergilikti polıtsııa qyzmeti jáne basqa da jumyldyrylǵan uıymdar apat saldaryn joıýmen aınalysyp jatyr.
TJD qutqarý bólimsheleri jergilikti atqarý organdarymen birge Buqar jyraý aýdanynyń Kókpekti kentinde, Abaı qalasynda tórt úıdi sýdan tazartýda.
Jerdegi qardyń erýinen tys, eldi mekenderge respýblıkalyq mańyzǵa ıe «Qaraǵandy - Aıagóz - Buǵaz», oblystyq mańyzǵa ıe «Qoıandy - Egindibulaq - Búrkitti», «Yntaly - Besoba» avtojoldarynan da sý quıylýda. Ol jerlerge eskertý belgileri qoıylyp, JPQ, «Qazaqavtojol» JShS, «Qaraǵandy joldary» JShS qyzmetkerleri kezekshilik atqaryp jatyr. 
