Temirtaýda jergilikti turǵynǵa birneshe pyshaq jaraqatyn salǵan adam qolǵa tústi

TEMІRTAÝ. QazAqparat – Temirtaý polıtseıleri jedel túrde qaraqshylyq qylmysty ashty. Tártip saqshylary qala turǵynyna birneshe márte pyshaq salǵan er adamdy ustady, dep habarlaıdy QazAqparat tilshisi.

28 qyrkúıekte saǵat 4.30 shamasynda Qaraǵandy oblysy Temirtaý qalasy PB Starorod polıtsııa bólimine medıtsınalyq mekemege birneshe pyshaq jaraqatyn alǵan 32 jastaǵy er adamnyń kelip túskeni týraly habarlady. Birneshe mınýttan keıin oqıǵa ornyna jedel-tergeý toby jetti.

Polıtseıler jábirlenýshiniń páterine beıtanys adamdy shaqyrǵanyn anyqtady. Olar birigip spırttik ishimdikter ishken. Kesh barysynda qonaq pyshaq ustap, páter ıesine birneshe ret suǵyp alǵan. Jábirlenýshi esinen tanyp qalǵan kezde, qaskúnem sómkesine eki teledıdar, sýret, uıaly telefon salyp, qashyp ketken. Shyǵyn somasy 600 myń teńgeni qurady.

Qaraǵandy oblystyq Polıtsııa departamentiniń patrýldik polıtsııa batalonynyń qyzmetkerleri 27 jastaǵy kúdikti er adamdy izin sýytpaı qolǵa túsirdi. Ol kinásin tolyq moıyndady. Zattaı dálelder alyndy. QR QK 192-baby «Qaraqshylyq» boıynsha qylmystyq is qozǵaldy. Ustalǵan azamat ýaqytsha ustaý ızolıatoryna qamaldy», - dep málimdedi Qaraǵandy oblysy PD bastyǵy Erlan Faızýllın.