Temirtaýda jas qutqarýshylar básekesi ótedi
ASTANA. QazAqparat - Senbi, 29 shilde kúni Temirtaý qalasynyń balalarǵa arnalǵan «Fakel» saýyqtyrý lageri aýmaǵynda qalalyq, aýdandyq jas qutqarýshylar jarystarynyń jeńimpazdary men aıryqsha daıyndalǵan oqýshylar quramalary qatysatyn «Jas qutqarýshy» oblystyq básekesi ótedi.
Jarystyń maqsaty - balalardy oqys jaǵdaılarda áreketterge daıyndaý, otansúıgishtik tárbıeni belsendirý men azamattyq qorǵaý jáne tótenshe jaǵdaılar salalaryndaǵy bilimdi nasıhattaý, dep habarlaıdy Qaraǵandy oblysy ákimdiginiń resmı saıty .
Bul báseke tanystyrý saıysy, birinshi medıtsınalyq kómek kórsetý saıysy jáne qabyrǵa gazeti saıysynan turady. Sondaı-aq jarys barysynda kelýshiler nazaryna avarııalyq-qutqarý tehnıkasy men QR ІІM TJK jaraqtary kórmesi usynylady. Uqsas is-sharalar oqýshylarǵa óziniń kúshin, bilimi men eptiligin shynaıy baǵalaýǵa múmkinshilik beredi.
