Temirtaýda jaratylystaný-matematıka pánderi boıynsha prezıdenttik olımpıada ótedi
QARAǴANDY. 5 jeltoqsan. QazAqparat - Qaraǵandy oblysynyń Temirtaý qalasynda jaratylystaný-matematıkalyq baǵyttaǵy pánder boıynsha V Prezıdenttik olımpıada ótedi, dep habarlady bilim basqarmasynan.
«Olımpıadanyń ashylý rásimi 6 jeltoqsan kúni Temirtaý qalasynyń Mádenıet saraıynda ótedi. Oǵan Qazaqstannyń barlyq aımaqtarynan kelgen 186 oqýshy qatysady. Quramynda 20 adam bar qazylar alqasy olardyń bilimderin baǵalaıtyn bolady», - dedi oblystyq bilim basqarmasynda.
Olımpıadanyń jabylýy jáne jeńimpazdar men júldegerlerdi marapattaý 8 jeltoqsanda ótedi. Olımpıada qatysýshylary úshin sondaı-aq Qazaqstannyń Tuńǵysh Prezıdenti Nursultan Nazarbaevtyń eńbek joly bastalǵan metallýrgter qalasy - Temirtaý boıynsha ekskýrsııa ótkiziledi. Budan basqa, mádenı-oıyn-saýyq baǵdarlamasy qarastyrylǵan.
Jaratylystaný-matematıkalyq baǵyttaǵy pánder boıynsha prezıdenttik olımpıada 2008 jyldan beri ótkizilýde.
