Temirtaýda janyp jatqan páterden er adam qutqaryldy
TEMІRTAÝ. QazAqparat – Temirtaýda qalalyq patrýldeý kezinde áskerı narıad qyzmetkerleri janyp jatqan páterden 38 jastaǵy er adamdy qutqaryp, kireberisten 25 adamdy evakýatsııalady, dep habarlaıdy QazAqparat tilshisi.
Oqıǵa túnge jýyq bolǵan. Patrýldeý barysynda áskerı jasaq basshysy qatardaǵy jaýynger Qalbek Ryspek, qatardaǵy jaýyngerler Allambaı Aslan men Mustahım Qýandyqpen birge Temirtaý qalasynyń Blıýher kóshesindegi 4 qabatty turǵyn úıdi ot sharpyǵanyn baıqaǵan.
Órt týraly áskerı narıadtar men aqparattyq beketter boıynsha kezekshige baıandap, oqıǵa ornyna órt sóndirý brıgadasyn shaqyrǵan.
«Temirtaý qalasy Tótenshe jaǵdaılar basqarmasynyń qyzmetkerleri kelgenge deıin tártip saqshylary 1982 jyly týǵan er adamdy janyp jatqan páterden shyǵaryp aldy. Atalmysh kireberistiń 25 turǵyny qaýipsiz jerge evakýatsııalandy. Áskerı jasaq Tótenshe jaǵdaılar basqarmasy qyzmetkerleriniń kelýine deıin úıdi qorshaýdy uıymdastyrdy», - dep habarlady «Ortalyq» Óńirlik qolbasshylyǵynyń baspasóz qyzmetinen.
