Temirtaýda jantúrshigerlik apat: úsh kólik soǵysyp, er adam qaza tapty
QARAǴANDY. QazAqparat - Temirtaýda er adam kólik rýlin basqara almaı, úsh kólikti apatqa ushyratty, dep habarlaıdy QazAqparat Qaraǵandy oblysynyń ІІD silteme jasap.
«4 mamyr kúni Temirtaýdaǵy Respýblıka dańǵylynda 39 jastaǵy er adam aldyn ala boljam boıynsha, «Huindai Accent» kóligin tizgindeı almaı, sham baǵanasyna soǵylǵan. Sham baǵanasy jolǵa qulap, eki kólik apatyna soqtyrdy», - dep habarlady ІІD.
Jol-kólik apaty saldarynan «VAZ 2114» avtokóliginiń júrgizýshisi jaraqat alyp, qalalyq aýrýhananyń jansaqtaý bóliminde kóz jumdy.
«Atalǵan fakti boıynsha tergeý jumystary júrip jatyr. Barlyq qajetti saraptamalar taǵaıyndaldy», - deıdi ІІD baspasóz qyzmeti.
