Temirtaýda jańa ınfektsııalyq gospıtal naýqastardy qabyldaýǵa daıyn

Búginde aýrýhana alǵashqy naýqastardy qabyldaı alady. Ol úshin qajettiniń bári bar: 200 tósek-oryn, onyń ishinde 15 reanımatsııalyq, sondaı-aq tsıfrlyq rentgen apparaty.
Gospıtalda tolyq jabdyqtalǵan 15 reanımatsııalyq tósek-oryn ashyldy. 30 núktege ortalyq ottegi berý, jańa ÓJJ apparattary, 145 ottegi kontsentratory qarastyrylǵan.
«Baqylaý monıtorlary, elektr sorǵylary bar, ortalyqtandyrylǵan jeldetý júıesi ornatylǵan. Jańa sandyq rentgen júıesi satyp alyndy jáne ornatyldy. Onyń keńeıtilgen múmkindikteri bar. Ǵımarat qyzyl jáne jasyl aımaqtarǵa bólingen, bul medıtsına qyzmetkerleriniń indet juqtyrý qaýpin azaıtady», - deıdi Temirtaý ortalyq aýrýhanasy dırektorynyń orynbasary Rınat Gatın.⠀
Aýrýhananyń jeke medıtsınalyq quramy - 73 adam, biraq ol kadrlarǵa degen qajettilikke qaraı ózgeredi.⠀
Sondaı-aq Temirtaýda konservatsııalanǵan taǵy eki gospıtal bar. Osylaısha, qalanyń ınfektsııalyq statsıonarlaryndaǵy oryndardyń jalpy sany 500-den astam tósekti quraıdy.