Temirtaýda uıymdastyrylǵan kórmege kóne Quran kitaby qoıyldy

TEMІRTAÝ. QazAqparat - Temirtaýdyń tarıhı-ólketaný murajaıynda rýhanı kelisim kúnine arnalǵan ekspozıtsııa ashyldy. Bul mereke Qazaqstanda 18 qazanda atap ótiledi. Kórmeniń basty jádigeri - ótken ǵasyrdyń basynda jaryq kórgen musylmandardyń qasıetti Quran kitaby, dep habarlaıdy QazAqparat tilshisi.

Mundaı syılyqty murajaıǵa 20 jyl buryn meshittiń naıb ımamy Ábdýálı Asanov tartý etken bolatyn. Onyń otbasynda bul kitap qundy jádiger bolǵan jáne ákeden balaǵa mura retinde qalyp otyrǵan.

Qurannyń ejelgi kóshirmesi búgingi kúnge deıin tolyq kúıinde saqtalmaǵan. Bul tek ortańǵy bóligi. Kitapta arab tilindegi 60 taraý bar.

«Quran tek arab tilinde ǵana qasıetti sanalady. Jalpy bul kitap álemniń 100-den astam tiline aýdarylǵan. Kitap 6 200 aıattan turady, olar súrege jınaqtalǵan. Munda 114 súre bar, olar óz kezeginde Mekke jáne Medına súreleri bolyp bólinedi», - deıdi tarıhı-ólketaný murajaıynyń ekskýrsııa-buqara bóliminiń meńgerýshisi Gúlim Syzdyqova.

Rýhanı kelisim kúnine arnalǵan kórme qazan aıynyń sońyna deıin jalǵasady.