Temirtaýda úılerdiń aýlasynda er adamdy atyp ketken
TEMІRTAÝ. QazAqparat – Qaraǵandy oblysynda 27 jastaǵy turǵynǵa oq atqan kúdikti ustaldy, dep habarlaıdy QazAqparat Polisia.kz saıtyna silteme jasap.
Tamyz aıynyń 8-inen 9-yna qaraǵan túni Eskiqalalyq polıtsııa bólimine ortalyq aýrýhanaǵa ártúrli dene jaraqatymen 27 jastaǵy qala turǵyny jatqyzylǵany týraly aqparat túsken. Oqıǵa ornyna jedel-tergeý toby jiberildi.
Polıtsııa qyzmetkerleri oqıǵa sózge kelispeýshilik saldarynan bolǵany jáne onyń barysynda travmatıkalyq qarý qoldanǵanyn anyqtady.
Atalǵan fakti boıynsha Temirtaý qalalyq Polıtsııa basqarmasynyń barlyq jeke quramyna baǵyttama berilip, izdestirý jumystary bastalǵan.
«Krımınaldyq polıtsııa qyzmetkerleri júrgizgen jedel-izdestirý is-sharalary barysynda oqıǵaǵa qatysqandardyń barlyǵy anyqtaldy. 20-37 jas aralyǵyndaǵy tórt kúdikti ustaldy. Polıtsııa qyzmetkerleri buzaqylyq áreketti bastaýǵa sebep bolǵan 30 jastaǵy er adam anyqtaldy. Ol qaladaǵy úılerdiń aýlasynda jábirlenýshimen sózge kelispeı qalyp, travmatıkalyq qarýmen oq atqany týraly moıyndaý jaýabyn berdi. Qazirgi ýaqytta ol ýaqytsha ustaý ızolıatoryna qamalyp, qarý tárkilendi», – dedi Qaraǵandy oblystyq Polıtsııa departamenti bastyǵynyń birinshi orynbasary Qurmanǵalı Ysmaǵulov.
Atalǵan fakti boıynsha Qazaqstan Respýblıkasy Qylmystyq kodeksiniń 293-baby 3-bóligine sáıkes qylmystyq is qozǵaldy. Qazirgi ýaqytta polıtsııa qyzmetkerleri oqıǵaǵa qatysqan basqa da azamattardy ustaý boıynsha keshendi is-sharalar júrgizýde.
