Temirtaýda úsh birdeı jol apatyn jasaǵan polıtseı jumystan ketti
QARAǴANDY. QazAqparat - Eldiń ishki ister mınıstriniń ózi pikir bildirip, polıtsııa qyzmetkeriniń qatysýymen jasalǵan atyshýly jol apatyna qatysty Temirtaý ákimshilik soty sheshim shyǵardy, dep habarlaıdy «QazAqparat» HAA tilshisi.
Sot anyqtaǵandaı, jol-kóligi oqıǵasy 14 qazan kúni Temirtaýda bolǵan. Qaraǵandy ІІB-ynyń ońtústik shyǵys polıtsııa bólimshesiniń kámelettik jasqa tolmaǵandar isi jónindegi ýchaskelik polıtsııa ınspektory 777 memlekettik nómirli jol talǵamaıtyn Toyota Land Cruiser Prado kóligimen Mendeleev kóshesinen Temirtaý kóshesi baǵytyna qaraı qozǵalyp kele jatyp, Chernyshevskıı kóshesiniń qıylysynda baǵdarshamnyń qyzyl túsinen ótý arqyly jol júrý erejesin buzǵan.
Nátıjesinde «Audi 80 V4» kóligimen soǵylyp, ol ótip bara jatqan «Matra J63» mınıvenin qaqty. «Audi 80 V4»-tiń jolaýshylar kreslosynda otyrǵan múgedektik topqa jatatyn kópbalaly ana Darııa Kamenova bas-súıek jaraqatyn alyp, aýrýhanaǵa jetkizildi.
Jol-kóligi apaty tergeýiniń ádil ótetinine kúmándanǵan «Audi 80 V4» júrgizýshisi Aleksandr Pavlov elektrondy úkimet portaly arqyly ishki ister mınıstrine hat joldaǵan.
Іshki ister mınıstri polıtsııa qyzmetkeriniń jumysynan bosatylyp, zańnyń barlyq qatań talaptaryna saı jaýapqa tartylǵanyn málim etti.
Atalǵan derekke oraı Qaraǵandy oblysy ІІD jeke qaýipsizdik basqarmasy júrgizgen qyzmettik tekseris qorytyndysy boıynsha qyzmettik tártip pen jol júrý erejesin buzǵany úshin ІІD basshysynyń buıryǵymen atalǵan tulǵa qyzmetinen bosatyldy. Osy buıryqpen basqa qyzmetkerlerge jáne olardyń basshylaryna qatysty tártiptik jaýapkershiliktiń qatań sharalary qabyldandy. Budan ózge, QR QK-iniń 806-babynda kózdelgen «Ákimshilik quqyq buzýshylyq» boıynsha ákimshilik materıal jınalyp, tıisti sheshim qabyldanady», - delingen mınıstr málimdemesinde.
