Temirtaýda ýchılışeniń oqytýshysynan jarty keliden astam geroın tabyldy
ASTANA. 10 mamyr. QazAqparat -Temirtaý qalasynyń kásibı-tehnıkalyq ýchılışesiniń oqytýshy-ádiskerinen jarty keliden astam geroın tárkilendi.
Bul týraly búgin QR Іshki ister mınıstrliginde ótken brıfıng barysynda málim boldy.
Atap aıtqanda, qaraǵandylyq polıtsııa qyzmetkerleri Temirtaý qalasynyń kásibı-tehnıkalyq ýchılışesi aýmaǵynda 34 jastaǵy oqytýshy-ádiskerdi quryqtady. Ony tintý barysynda kúrteshesiniń qaltasynan polımerli plenkaǵa oralǵan 1,5 gramnan astam geroıny bar maıqaǵaz tárkilendi. Budan bólek, álgi ýchılışeniń ádistemelik jáne memlekettik til kabınetterinen de 1,5 gramnan astam geroın oralǵan 2 oram tabyldy.
«Al kúdiktiniń páterin tintý barysynda 556 gramm geroın tárkilendi. Atalmysh fakti boıynsha qylmystyq iz qozǵalyp, esirtki berýshini jáne jetkizýshini anyqtaý boıynsha is-sharalar kesheni ótip jatyr», - deıdi baspasóz qyzmetiniń jetekshisi Nurdildá Oraz.
